النهاردة حصل موقف سخيف جداااا
كنت عند الفرارجى وبعدين فيه ست دخلت تبيع للراجل عيش ناشف بيأكل بيه الطيور يعنى بياخده بالوزن
المهم انها سالته ع (هياكل فراخ)
واالى ما يعرفهاش=وانتى بتخلى الفرخة الجزء العلوى الجناحين بالرقبة .
وبعدين سألته ع رجول فراخ الراجل كان محترم جدا واداها كمية كبيرة من غير مقابل
وكمان واضح انه اداها فلوس العيش اكتر كمان
يعنى زى صدقة مخفية
المهم انا فيه مدام محترمة واقفة فقالتله انا كمان عايزة رجول فراخ
ف الست البسيطة قالتلها ايوة بتباه حلوة بحبها
قالتلها لا يا حبيبتى انا عندى ك*لب بأكلهاله
الست ديه كان معاها ابنها
النظرة اللى كانت فى عينهم والأحراج اللى كانوا فيه خلانى ادمع وصعبت عليا جدا واتضايقت جدا من الست السخيفة اللى كسرتهم كده حاجة فى منتهى قلة الذوق والسخافة
بس الحلو فى الموضوع من ناحيتى
قولتلها ومين ما بيحبهاش انا لو قعدت ع حلة هخلصها
وكل اللى كانوا واقفين قعدوا يقولوا وصفات ديه بتتعمل بالتوم والصلصة واللى يقول انا باكلها مسلوقة ع طول والل تقول انا كنت بتخانق انا واختى عليها واحنا صغيرين
والست خدت نفس كده ورفعت راسها بعد ما كانت وطيت فى الارض
الحكمة بجد ان جبر الخواطر والكلمة الطيبة موجودين فى كل بنى ادم بس فى مننا اللى بيغلب عليه الكبر و التعالى والفشخرة الكدابة
طب على ايه كلنا فى النهاية بنى آدمين
وهنموت يعنى مش مخلدين فيها
الكلمة الطيبة صدقة ولو مش هتعرفى تقوليها اسكتى واتغلبى ع شيطانك
لان صدى الكلمة ليه تأثير قوى
منقول
إرسال تعليق